tumhaara jo sahaara ho gaya hai
bhanwar bhi ab kinara ho gaya hai
mohabbat mein bhala kya aur hota
mera ye dil tumhaara ho gaya hai
tumhaari yaad se hai wo charaghan
ki aansu bhi sitara ho gaya hai
ajab hai mausan-e-be-iKHtiyari
ki jab se wo hamara ho gaya
ek an-jaani KHushi ke aasare mein
hamein har gham gawara ho gaya hai
hamein kab ras aa sakti thi duniya
ghanimat hai guzara ho gaya hai
jinhen rahta tha zoam-e-dil-faroshi
unhen ab ke KHasara ho gaya hai
Ghazal
Tumhaara jo sahaara ho gaya hai
Ambareen Haseeb ambar