tum KHub uDate raho KHaka mere dil ka
paida nahin dushman koi tum sa mere dil ka
phirti hai nazar mein kisi gesu ki daraazi
baDhta hi chala jaega sauda mere dil ka
ulTi hai na ulTenge naqab-e-ruKH-e-raushan
mana hai na manenge wo kahna mere dil ka
'mail' tere ashaar sunun bazm mein kyun-kar
ye raaz kiye dete hain ifsha mere dil ka
Ghazal
Tum KHub uDate raho KHaka mere dil ka
Mirza Mayal Dehlvi