tum hamare dil-e-shaida ko nahin jaante kya
aur ghairon ki tamanna ko nahin jaante kya
kahin hota bhi hai jaan-baKHsh lab-e-ahd-shikan
tere is jhuTe masiha ko nahin jaante kya
pahle dil tham lo phir aaina tum hath mein lo
apne husn-e-ruKH-e-zeba ko nahin jaante kya
kar na den us ko mukaddar kahin aah-e-'beKHud'
aap us aaina-sima ko nahin jaante kya
Ghazal
Tum hamare dil-e-shaida ko nahin jaante kya
Bekhud Dehlvi