Tuk baiTh tu ai shoKH-e-dil-aram baghal mein
aae nahin is dil ko bhi aaram baghal mein
kyun kar ke na gulKHan ki tarah aah jalen hum
ek aag hai yan jis ka hai dil nam baghal mein
sar rakh ke gareban mein kar sair jahan ki
aaina tere jeb mein hai jam baghal mein
kis tarah 'raza' tu na ho ruswa-e-zamana
jab dil sa tere baiTha ho badnam baghal mein
Ghazal
Tuk baiTh tu ai shoKH-e-dil-aram baghal mein
Raza Azimabadi