tujhe bahaar mili mujh ko intizar mila
is intizar mein lekin kise qarar mila
kisi ki aankhon mein taron ki muskurahaT hai
kisi ki aankhon ko shabnam ka karobar mila
ye mere jaib-o-gareban pe kuchh nahin mauquf
ki tera daman-e-rangin bhi tar-tar mila
teri wafa ne mohabbat ko eatibar diya
teri nazar se mujhe husn-e-eatibar mila
Ghazal
Tujhe bahaar mili mujhko intizar mila
Masud Husain Khan