tujh ko aana paDa yahin to phir
na mila hum sa gar hasin to phir
kaun tera KHayal rakkhega
baad mere hua hazin to phir
jis pe tujh ko ghurur hai wo dil
kho gaya gar yahin kahin to phir
aa nahin sakta koi tujh ko yaad
TuT jae tera yaqin to phir
dil kushada-dili pe nazan hai
na hua wo agar makin to phir
sochti hun ki kis liye main bhi
jab ye tai hai ki tu nahin to phir
Ghazal
Tujhko aana paDa yahin to phir
Almas Shabi