to main bhi KHush hun koi us se ja ke kah dena
agar wo KHush hai mujhe be-qarar karte hue
tumhein KHabar hi nahin hai ki koi TuT gaya
mohabbaton ko bahut paedar karte hue
main muskuraata hua aaine mein ubharunga
wo ro paDegi achanak singhaar karte hue
mujhe KHabar thi ki ab lauT kar na aaunga
so tujh ko yaad kiya dil pe war karte hue
ye kah rahi thi samundar nahin ye aankhen hain
main in mein Dub gaya e'tibar karte hue
bhanwar jo mujh mein paDe hain wo main hi jaanta hun
tumhaare hijr ke dariya ko par karte hue
Ghazal
To main bhi KHush hun koi us se ja ke kah dena
Wasi Shah