teri nigah ki aniyan jigar mein saliyan hain
najaanun kaun se zahr-ab bich paliyan hain
udhar sin tund nigahen idhar dil-e-nazuk
kidhar ke tir ki choTen kidhar kun chaliyan hain
KHayal-e-ghuncha-dahan mein za-bas-ki jari hai
hamare ashk ki laD motiye ki kaliyan hain
zaban-e-haal sin kahta hai un ka naqsh-e-qadam
bahisht-e-dida-o-dil KHush-qadon ki galiyan hain
na puchh sarw ka un qumriyon kun KHak-nashin
wo shoala-qad ke dukhon ai 'siraj' jaliyan hain
Ghazal
Teri nigah ki aniyan jigar mein saliyan hain
Siraj Aurangabadi