tere samne to samajh raha tha ki phul tha
tujhe kya KHabar ki ye aaina tha ki phul tha
tera panw sham pe aa gaya tha ki chand tha
tera hijr subh ko jal uTha tha ki phul tha
tera husn-e-sehr tha mumkinat ki had na thi
kaf-e-dast par tere KHar uga tha ki phul tha
wo kamal ruKH tha kiran thi us pe kali bhi thi
jo gale mila sar-e-shab diya tha ki phul tha
ye chaman bahisht ke the ki man ka wajud tha
ye dua ka hath mahak uTha tha ki phul tha
Ghazal
Tere samne to samajh raha tha ki phul tha
Mohammad Izhar ul Haq