tera gham jab se kam hone laga hai
hamein bhi apna gham hone laga hai
hum apne haal se Darne lage hain
ki gham-KHwaron ko gham hone laga hai
hamari rasti ke samne ab
hamara qad bhi KHam hone laga hai
ata karte hain jo ahl-e-tawazoa
wo baada hum ko sam hone laga hai
wajud-e-admi se peshtar hi
sirr-e-adam qalam hone laga hai
koi chehra koi naghma koi jam
KHafa duniya se dam hone laga hai
sanam pahle KHuda tha ab KHuda bhi
tarashida sanam hone laga hai
Ghazal
Tera gham jab se kam hone laga hai
Khurshid-ul-islam