thoDi si is taraf bhi nazar honi chahiye
ye zindagi to mujh se basar honi chahiye
aae hain log raat ki dahliz phand kar
un ke liye nawed-e-sahar honi chahiye
is darja parsai se ghaTne laga hai dam
main hun bashar KHata-e-bashar honi chahiye
wo jaanta nahin to batana fuzul hai
us ko mere ghamon ki KHabar honi chahiye
Ghazal
ThoDi si is taraf bhi nazar honi chahiye
Ata ul Haq Qasmi