tha zuleKHa ko jo jaan se mah-e-kanan aziz
hum ne bhi tujh se to be-mehr na ki jaan aziz
kal mujhe qatl kar us dushman-e-din kafir ne
bola logon se ye tha mard-e-musalman aziz
kyun na wo mushaf-e-ru jaan se mujhe howe ziyaad
kis musalman ko nahin din aur iman aziz
KHaksar arsh se bhi dekha pare tera mizaj
aap mein aa zara apne tain pahchan aziz
Ghazal
Tha zuleKHa ko jo jaan se mah-e-kanan aziz
Mohammad Yar Khaksar