teri zaban se KHasta koi zar hai koi
pyare ye nahw o sarf ye guftar hai koi
Thokar mein har qadam ki taDapte hain dil kai
zalim idhar to dekh ye raftar hai koi
jun shaKH-e-gul hai fikr mein meri shikast ki
mera gar us chaman mein hawa-dar hai koi
zalim KHabar to le kahin 'qaem' hi ye na ho
nalan o muztarib pas-e-diwar hai koi
Ghazal
Teri zaban se KHasta koi zar hai koi
Qayem Chandpuri