teri yaaden bhi nahin gham bhi nahin tu bhi nahin
kitni viran hai ye aankh ki aansu bhi nahin
mere dil ko mere ehsas ko chhu jati thi
bhige bhige tere baalon ki wo KHushbu bhi nahin
hae wo pahle-pahal teri judai ki ghaDi
ab to pine ki koi chah koi KHu bhi nahin
jo gham-e-dahr ki rahon ko hasin-tar kar de
bahke bahke tere qadmon ka wo jadu bhi nahin
ab gunahgar nazar ki hai kahan ja-e-panah
rah mein dur talak koi pari-ru bhi nahin
Ghazal
Teri yaaden bhi nahin gham bhi nahin tu bhi nahin
Yusuf Taqi