tere honTon pe nazar baqi hai
kis ke hone ki KHabar baqi hai
kitne KHush-rang badan dhul hue
waqt ki chaal magar baqi hai
aaj bhi gham ki salami ke liye
dil ka aabaad nagar baqi hai
shab ki qindil uThane wale
dekh chehron pe sahar baqi hai
dard ka chehra tha barbaad hua
dasht mein sukha shajar baqi hai
KHun jawan KHun se holi khelo
chand qadmon ka safar baqi hai
Ghazal
Tere honTon pe nazar baqi hai
Aazam Khursheed