tasawwuraat mein dil ki uDan dekh zara
usi zamin se kabhi aasman dekh zara
abhi to jism ke hi ghaw tu ne dekhe hain
jo mere dil pe hain wo bhi nishan dekh zara
tu is se pahle karen baat ghair sanjida
mera mizaj mere qadr-dan dekh zara
dhuan bhi ho gaya ab to fazaon se ghaeb
kahan hai shahr mein mera makan dekh zara
haqir nazron se ai mujh ko dekhne wale
mera gharana mera KHandan dekh zara
zamin phaTne ka karti hun intizar 'siya'
mera junun mere imtihan dekh zara
Ghazal
Tasawwuraat mein dil ki uDan dekh zara
Siya sachdev