tanhai se hai sohbat din raat judai mein
kya KHub guzarti hai auqat judai mein
ruKHsat ho chala tha tab daman na tera thama
afsos ki malte hain ab hath judai mein
kiya zikr hai aansu ka zalim meri aankhon se
KHun-nab hi Tapke hai yak zat judai mein
jab wasl tha un rozon yak dil hi pe aafat thi
ab jaan ka hai sauda haihat judai mein
ye nala-o-zari ye KHastagi o KHwari
jidhar ko chalun 'joshish' hain sat judai mein
Ghazal
Tanhai se hai sohbat din raat judai mein
Joshish Azimabadi