tangi-e-dahan se hai aDi baat
chhoTa sa hai munh tera baDi baat
kya charb-zaban wo shoala-ru hai
lab tak aa kar phisal paDi baat
matlab par agar zaban do tum
ho munh se abhi nikal khaDi baat
dil shisha-e-saat apna ban jae
saqi na kare jo do ghaDi baat
hain peT ki halki wo sadaf-san
moti ki tarah nikal paDi baat
Ghazal
Tangi-e-dahan se hai aDi baat
Khwaja Mohammad Vazeer Lakhnavi