tamam shahr mein hai aam karobar-e-hawas
ki chehre chehre pe chaspan hai ishtihaar-e-hawas
abhi ragon mein hai talKHi-e-e'tibar-e-hawas
badan mein TuT raha hai abhi KHumar-e-hawas
jo chal paDe ho to anjam-e-gumrahi se Daro
supurd-e-KHak na kar de ye rahguzar-e-hawas
hawa hai garm na kamre ki khiDkiyan kholo
na jaane shahr mein Thahre kahan ghubar-e-hawas
farar KHwahish-e-hasti se jab nahin mumkin
nafas ki qaid kahen ya ise hisar-e-hawas
Ghazal
Tamam shahr mein hai aam karobar-e-hawas
Raeesuddin Raees