tabhi aaegi labon par mere dil ki baat khul ke
meri zat se mile jab teri kaenat khul ke
mera ishq hai bas itna ki jagaen koi fitna
tere honT band ho ke meri KHwahishat khul ke
mujhe bandh kar jinhon ne sar-e-taq rakh diya hai
kabhi KHud bayan karunga main wo sab nikat khul ke
ye jo aaj basta basta sa adu ke raKHt mein hai
yahi gul-badan mila tha kabhi puri raat khul ke
baDi be-maza guzari hai zamana-saziyon ne
na adawaten nibhain na talluqat khul ke
Ghazal
Tabhi aaegi labon par mere dil ki baat khul ke
Shuja Khaavar