tabar-o-tesha-o-tasir kahan se laen
ishq farmaen ju-e-shir kahan se laen
KHwab hi KHwab hain tabir kahan se laen
laen par KHubi-e-taqdir kahan se laen
marham-e-KHak ghanimat hai ki maujud to hai
dasht mein baiTh ke iksir kahan se laen
koi zahid hai to allah ki marzi se hai
aisi taqsir pe tazir kahan se laen
kahiye kuchh us ke Thikane ka pata bhi to chale
kar ke 'rahil' ko zanjir kahan se laen
Ghazal
Tabar-o-tesha-o-tasir kahan se laen
Raheel Farooq