tabah kar gaya sab ko mere gharane ka
wahi junun hatheli pe phul ugane ka
tere baghair main mar jaunga yahi sach hai
nahin hai hausla ab jhuT ko bachane ka
hamare bich mein ek aur shaKHs hona tha
jo laD paDe to koi bhi nahin manane ka
wo reg reg se uThta tha lahr lahr ki shakl
main KHwab dekhta tha kashtiyan chalane ka
hawa se bhul hui thi ki puchh baiThi thi
kabhi pata mere harjai ke Thikane ka
Ghazal
Tabah kar gaya sab ko mere gharane ka
Musavvir Sabzwari