taeron ki uDan mein hum hain
is khule aasman mein hum hain
aaKHir-e-kar hijr KHatm hua
aur pas-mandgan mein hum hain
kyun na ho KHauf-e-inhidam-e-dil
isi KHasta makan mein hum hain
hum faqat teri guftugu mein nahin
har suKHan har zaban mein hum hain
aur koi nazar nahin aata
is zamin aasman mein hum hain
kya dua ki qubuliyat 'ashfaq'
sab ke wahm-o-guman mein hum hain
Ghazal
Taeron ki uDan mein hum hain
Ashfaq Nasir