ta-ba maqdur intizar kiya
dil ne ab zor be-qarar kiya
dushmani hum se ki zamane ne
ki jafakar tujh sa yar kiya
ye tawahhum ka kar-KHana hai
yan wahi hai jo e'tibar kiya
ek nawak ne us ki mizhgan ke
taer-e-sidra tak shikar kiya
sad-rag-e-jaan ko tab de baham
teri zulfon ka ek tar kiya
hum faqiron se be-adai kya
aan baiThe jo tum ne pyar kiya
saKHt kafir tha jin ne pahle 'mir'
mazhab-e-ishq iKHtiyar kiya
Ghazal
Ta-ba maqdur intizar kiya
Mir Taqi Mir