suraj chaDha to dil ko ajab wahm sa hua
dushman jo shab ko mara tha wo uTh khaDa hua
bikhri hui hai ret nadamat ki zehn mein
utra hai jab se jism ka dariya chaDha hua
zulfon ki aabshaar sirhane pe gir paDi
khola jo us ne raat ko joDa bandha hua
nikla karo pahan ke na yun muKHtasar libas
paDh lega koi lauh-e-badan par likha hua
ek shaKHs jis se mera taaruf nahin magar
guzra hai bar bar mujhe dekhta hua
Ghazal
Suraj chaDha to dil ko ajab wahm sa hua
Prem Kumar Nazar