sulag uThi hai koi aag si hawaon mein
badal gai hain bahaaren meri KHizaon mein
na aai ras banawaT ki zindagi mujh ko
main shahr chhoD ke phir aa gaya hun ganw mein
qadam qadam pe naya ek KHuda nazar aaya
na jaane kaun sa bar-haq hai in KHudaon mein
koi umid ki barish ka ehtimam karo
main jal raha hun gham-o-yas ki chitaon mein
bahut kaDa hai mohabbat ke raston ka safar
jafa ki dhup chhupi hai wafa ki chhanw mein
Ghazal
Sulag uThi hai koi aag si hawaon mein
Jaleel u0027Aaliu0027