soz se saz kiya chahiye ab
nai se aawaz kiya chahiye ab
kha ke tir-e-nigah-e-naz us ko
qadr-andaz kiya chahiye ab
jis mein ji jism mein aae ai jaan
han wo ejaz kiya chahiye ab
dil mein aata hai tere gham ko yar
mahram-e-raaz kiya chahiye ab
kan tak us ke to pahunche yakbar
aisi aawaz kiya chahiye ab
husn ka wasf tere surat-e-KHat
KHama-parwaz kiya chahiye ab
roghan-e-qaz male wasf-e-naz
taza pardaz kiya chahiye ab
ta na ho tair-e-jaan said kahin
chashm-e-dil-baz kiya chahiye ab
tair-e-fikr ko susti se 'waqar'
tez parwaz kiya chahiye ab
Ghazal
Soz se saz kiya chahiye ab
Kishan Kumaar Waqaar