Sitam hai wo phir bad-guman ho raha hai

sitam hai wo phir bad-guman ho raha hai
pas-e-imtihan imtihan ho raha hai

KHushi kyun na ho qatl hone ki mujh ko
wo na-mehrban mehrban ho raha hai

tasadduq tujhi par zamin ho rahi hai
tujhi par fida aasman ho raha hai

mujhe hichkiyon ne KHabar di hai aa kar
mera zikr jo kuchh wahan ho raha hai

chalo sair kar aaen jannat ki 'ashiq'
ajab kuchh tamasha wahan ho raha hai