sitare jinki bahut dekh-bhaal karte rahe
hum aisi sari shabon ko nihaal karte rahe
hamare rah-numa bhi kamal karte rahe
jawab dena tha un ko sawal karte rahe
magar nadi ne suni hi nahin kinaron ki
ye aur baat ki wo arz-e-haal karte rahe
tamam raat meri nind mujh ko Dasti rahi
tamam KHwab meri dekh-bhaal karte rahe
tamam umr tumhin mutmain rahe 'danish'
tamam umr tumhin the malal karte rahe
Ghazal
Sitare jinki bahut dekh-bhaal karte rahe
Madan Mohan Danish