shoKHi ne teri lutf na rakkha hijab mein
jalwe ne tere aag lagai naqab mein
wo qatra hun ki mauja-e-dariya mein gum hua
wo saya hun ki mahw hua aaftab mein
us saut-e-jaan-nawaz ka sani bana nahin
kya DhunDte ho barbat-o-ud-o-rabab mein
puchhi thi hum ne wajh-e-mulaqat-e-muddai
ek umr ho gai unhen fikr-e-jawab mein
laDti na jae aankh jo saqi se 'shefta'
hum ko to KHak lutf na aae sharab mein
Ghazal
ShoKHi ne teri lutf na rakkha hijab mein
Shefta Mustafa Khan