Shohrat-e-fan bahut hui dad kamal de gae

shohrat-e-fan bahut hui dad kamal de gae
sher to dosto magar sahib-e-haal de gae

naward gudaz jo bhi tha dil ki lagi ka khel tha
shisha-e-zindagi ko hum sham-e-KHayal de gae

pursish-e-gham ke sath thi shirkat-e-gham nigah mein
kitna malal le gae kitna malal de gae

subh-e-chaman chaman nai sham-e-kiran kiran nai
hum teri kaenat ko tera jamal de gae

hum se juda hue to kya hum se juda na rah sake
aaina firaq ko aks-e-visal de gae