shoala shoala thi hawa shisha-e-shab se puchho
ya mera haal mari tab-e-talab se puchho
jaane kis moD pe in aankhon ne moti khoe
bastiyan did ki viran hain kab se puchho
raste logon ko kis samt liye jate hain
kya KHabar kaun bata paega sab se puchho
din nikalte hi sitaron ke safine Dube
dil ke bujhne ka sabab mauj-e-tarab se puchho
wahi din raat wahi ek se lamhon ka hisab
suKHan aaghaz karun umr ka jab se puchho
KHamushi bhi to sunati hai fasane akasr
kis tamashe mein hun ye bandish-e-lab se puchho
Ghazal
Shoala shoala thi hawa shisha-e-shab se puchho
Shamim Hanafi