shanasa-e-haqiqat ho gae hain
wo sab taswir-e-ibrat ho gae hain
dikhate hain wo rasta qafilon ko
jo mahrum-e-basarat ho gae hain
fasil-e-shahr ke andar na jaana
wo sare gurg-surat ho gae hain
farozan hain bulawe sahilon ke
asir-e-mauj-e-zulmat ho gae hain
jabinon par raqam aayat-e-shafqat
qatil-e-tegh-e-nafrat ho gae hain
Ghazal
Shanasa-e-haqiqat ho gae hain
Hamidi Kashmiri