shamim-e-zulf-e-yar aae na aae
mere dil ko qarar aae na aae
abhi aaya hai hosh ai yaad-e-jaanan
na taDpa bar bar aae na aae
charagh-e-zindagani bujh raha hai
wo jaan-e-intizar aae na aae
kiya jo tum ne apne dil se puchho
hamara e'tibar aae na aae
nigah-e-ahl-e-gulshan kah rahi hai
KHizan jae bahaar aae na aae
baDhega karwan manzil-ba-manzil
ghubar-e-rah-guzar aae na aae
Ghazal
Shamim-e-zulf-e-yar aae na aae
Sikandar Ali Wajd