shahr se ek taraf dur bahut
aaj roya dil-e-mahjur bahut
dur hai subh shab-e-gham ai dil
hai sitaron main abhi nur bahut
kis ko manzur tha ruswa hona
dil ke hathon hue majbur bahut
maut ayyam-e-jawani mein bhi
nazar aati thi magar dur bahut
munhasir wadi-e-sina pe nahin
jazb-e-musa ho agar tur bahut
ek hi war ke qabil nikla
yun to kahne ko hain mansur bahut
tum ko kis ranj ne mara 'mahrum'
ki nazar aate ho ranjur bahut
Ghazal
Shahr se ek taraf dur bahut
Tilok Chand Mahroom