shahr ki galiyan ghum rahi hain mere qadam ke sath
aise safar mein itni thakan mein kaise kaTegi raat
KHwab mein jaise ghar se nikal kar ghum raha ho koi
raat mein aksar yun bhi phiri hai tere liye ek zat
chand bagule KHushk zamin par aur hawaen tez
is sahra mein kaisi bahaaren kaisi bhari barsat
shor machaen basti basti soch rahe the aap
dekha kin kin viranon mein le ke gae haalat
Ghazal
Shahr ki galiyan ghum rahi hain mere qadam ke sath
Qamar Jameel