shahr-e-be-saut mein aman mil jae
koi patthar meri taraf hi aae
ek fasil-e-hawa na rang na rup
ek KHayal-e-KHuda mujhe bahkae
mera chehra utarne walo
meri surat kise kise bahlae
nila pila ghubar tanha peD
mere aangan mein chand bhi ghabrae
khiDkiyan apne jism ki kholo
kya ajab dhup sham tak aa jae
yaKH-zada munjamid kohar-alud
kaun chaTTan se phisalne pae
muztarib raat chashm-e-nam 'iraj'
phul shabnam ko bhi lahu rulwae
Ghazal
Shahr-e-be-saut mein aman mil jae
Muzaffar Iraj