shab-e-firaq achanak KHayal aaya mujhe
ki main charagh na tha us ne kyun jalaya mujhe
kahan mila main tujhe ye sawal baad ka hai
tu pahle yaad to kar kis jagah ganwaya mujhe
mujhe shubh sa hua us ki be-niyazi se
main KHud bana hun KHuda ne nahin banaya mujhe
mila bhi mujh ko bichhaD kar kahin chala bhi gaya
aur apna nam bhi us ne nahin bataya mujhe
Ghazal
Shab-e-firaq achanak KHayal aaya mujhe
Anjum Khayali