shayad us sada ne rakha hai KHat
ki hamein muttasil likkha hai KHat
shauq se baat baDh gai thi bahut
daftar us ko likhen hain kya hai KHat
nama kab yar ne paDha sara
na kaha ye bhi aashna hai KHat
sath hum bhi gae hain dur talak
jab udhar ke tain chala hai KHat
kuchh KHalal rah mein hua ai 'mir'
nama-bar kab se le gaya hai KHat
Ghazal
Shayad us sada ne rakha hai KHat
Mir Taqi Mir