sham ka gham bhi jafakar udasi meri
zaKHm de jati hai har bar udasi meri
jab bhi honTon ko hansaya yahi puchha KHud se
kyun hai KHushiyon pe kaDa bar udasi meri
mere sae se lipaTne ko tarasti rahti
ban gai meri talabgar udasi meri
gahre tanhai ke aalam mein sula jati hai
kitni ban jati hai KHun-KHwar udasi meri
mere ashkon se bahi ban ke lahu dil ka yun
ho kaTili koi talwar udasi meri
'sarthi' luT na kahin jae aqad bhi tujh se
mujh se kahti hai kai bar udasi meri
Ghazal
Sham ka gham bhi jafakar udasi meri
Monika Sharma Sarthi