sham apni be-maza jati hai roz
aur sitam ye hai ki aa jati hai roz
koi din aasan nahin jata mera
koi mushkil aazma jati hai roz
mujh se puchhe koi kya hai zindagi
mere sar se ye bala jati hai roz
jaane kis ki surKH-rui ke liye
KHun mein ye dharti naha jati hai roz
git gate hain parinde subh o sham
ya samaat chahchaha jati hai roz
dekhne walon ko 'ajmal' zindagi
rang kitne hi dikha jati hai roz
Ghazal
Sham apni be-maza jati hai roz
Ajmal Siraj