shaKH par phul falak par koi tara bhi nahin
main bhi tanha hun bahut koi tumhaara bhi nahin
ek to muD ke na jaane ki aziyyat thi bahut
aur us par ye sitam koi pukara bhi nahin
kah raha tha ki mohabbat mein takallum kaisa
main jo chaunka to kahan izn-e-ishaara bhi nahin
umr-e-ma-baad agar tere alawa kuchh hai
phir to main ab bhi nahin aur dobara bhi nahin
Ghazal
ShaKH par phul falak par koi tara bhi nahin
Abbas Tabish