'shad' uftad-e-har-nafas mat puchh
hazrat-e-qazi-o-asas mat puchh
KHun bhi hai rag-e-hamiyyat bhi
kyun nahin log Tas se mas mat puchh
phul kanTon mein tu ne dekha hai
mujh se haalat-e-pesh-o-pas mat puchh
kya meri aarzu se waqif hai
wo nigah-e-daqiqa-ras mat puchh
aashiyan-o-chaman ke dil-dada
tu kabhi wusat-e-qafas mat puchh
chistan hai fareb-e-azadi
sharh-e-ijmal ko taras, mat puchh
qatl ka hukm hi sahi lekin
hai jo us ke gale mein ras mat puchh
Ghazal
Shad uftad-e-har-nafas mat puchh
Shaad Aarfi