sarson laga ke panw talak dil hua hun main
yan lag hunar mein ishq ke kaamil hua hun main
sekun nigah-e-garm sin KHush-chashm ki mujhe
shamshir us bhuwan ke sin ghayal hua hun main
manind-e-asman hai mushabbak mera jigar
kis ki nigah sin aaj muqabil hua hun main
bhaari hai dekhna mera tujh kan raqib kun
chhati pe us ki aaj bajarsil hua hun main
zulf-e-mutawwal o dahan-e-muKHtasar kun dekh
tere daras ke ilm mein fazil hua hun main
Ghazal
Sarson laga ke panw talak dil hua hun main
Abroo Shah Mubarak