sar na sajde se uTha taKHir par taKHir kar
zarre jo taht-e-jabin aae unhen iksir kar
banda-e-rab ban ke raushan apni tu taqdir kar
aalam-e-kun hai tera qabze mein ye jagir kar
ashk-bari hubb-e-ahamad uns-e-maKHluq-e-jahan
ye hain ajza-e-salasa in se dil tamir kar
daman-e-hasti mein tere jo hain zarre KHak ke
zarb-e-allah-hu se is miTTi ko pur-tanwir kar
is tarah se kuchh na kuchh shayad ki halka bojh ho
iztirab-e-dil 'nazar' apna tu aalamgir kar
Ghazal
Sar na sajde se uTha taKHir par taKHir kar
Mohammad Abdul Hameed Siddiqi Nazar Lakhnawi