sang the pighle to pani ho gae
hum wo chehre jo kahani ho gae
khel hai ab har taraf taswir ka
lafz sare be-maani ho gae
baat karni thi hamein jis se bahut
hum usi ki be-zabani ho gae
chand qatre rah gae the aankh mein
wo bhi dariya ki rawani ho gae
sabz mausam aa gaya tha room mein
aaine bhi dhani dhani ho gae
aasman par rah ke bhi tum KHak ho
hum zamin par aasmani ho gae
chhanw mein gautam ki kya baiThe 'shakil'
thoDe thoDe hum bhi gyani ho gae
Ghazal
Sang the pighle to pani ho gae
Shakeel Azmi