samundar sar paTak kar mar raha tha
to main jine ki koshish kar raha tha
kisi se bhi nahin tha KHauf mujh ko
main apne aap hi se Dar raha tha
guzarish waqt se main ne na ki thi
ki mera zaKHm KHud hi bhar raha tha
hazaron sal ki thi aag mujh mein
ragaDne tak main ek patthar raha tha
tujhe us din ki choTen yaad hongi
mujhe pahchan, tere ghar raha tha
Ghazal
Samundar sar paTak kar mar raha tha
Fay Seen Ejaz