Sahra se aane wali hawaon mein ret hai

sahra se aane wali hawaon mein ret hai
hijrat karunga ganw se ganw mein ret hai

ai qais tere dasht ko itni duaen din
kuchh bhi nahin hai meri duaon mein ret hai

sahra se ho ke bagh mein aaya hun sair ko
hathon mein phul hain mere panw mein ret hai

muddat se meri aankh mein ek KHwab hai muqim
pani mein peD peD ki chhanw mein ret hai

mujh sa koi faqir nahin hai ki jis ke pas
kashkol ret ka hai sadaon mein ret hai