sahar tak us pahaDi ke aqab mein ro ke aata hun
main nuqta-ha-e-girya par ikaTTha ho ke aata hun
udhar raste mein chauthe kos par talab paDta hai
main KHak aur KHun se luthDi rikaben dho ke aata hun
yahan ek dasht mein firaun ka ahram banta hai
main apni pusht par chaukor patthar Dho ke aata hun
abhi kuchh bazyabi ka amal makus lagta hai
main jab bhi DhunDne jata hun KHud ko kho ke aata hun
jahan parchhain tak paDti nahin hai KHak-zadon ki
usi KHali kure par sat mausam so ke aata hun
Ghazal
Sahar tak us pahaDi ke aqab mein ro ke aata hun
Rafiq Sandelvi