sahar-na-ashna koi nahin hai
magar ab jagta koi nahin hai
payami ban ke aate the parinde
magar ab rabta koi nahin hai
shikasta-pa nahin hain hum darKHto
karen kya rasta koi nahin hai
koi lauTa nahin ghar se nikal kar
magar ye sochta koi nahin hai
baha lo tum hi apne sath maujo
hamara aasra koi nahin hai
hum is ki khoj mein nikle hue hain
hamein apna pata koi nahin hai
Ghazal
Sahar-na-ashna koi nahin hai
Hamidi Kashmiri